Под мотото „Мразам плејбек“, македонскиот шоумен Игор Џамбазов преку Фејсбук профилот на својата мачка го најави претстојниот „Џамбо фестивал“.
На 26-ти Декември, како што вели „традиционално“… веќе по прв пат неуморно ќе се бори против кичот, шундот и турбо фолкот.
Фестивалот го најавува како празник на урбаната култура во траење од шест часа.
„Последната вистинска забава во оваа мачна и тешка 2015 година. Македонијо, дојди да видиш колку си талентирана!“-напиша Игор.
Имено, на сцената во „Метрополис арена“ ќе се појават околу стотина луѓе кои ќе придонесат за офанзивна музичка борба.
