Американскиот музичар Џастин Тимберлејк ќе настапи на овогодинешното издание на изборот за песна на Евровизија кој ќе се одржува од денес до 14 мај во Стокхолм.
Организаторите на изборот соопштиле дека Тимберлејк ќе настапи во сабота во ревијалниот дел на програмата и ќе го изведе својот нов сингл „Can’t stop the feeling“.
Минатогодишното издание на Евровизија го следеле повеќе од 200 милиони гледачи, а на престојното 61-во издание во „Ериксон Глоуб“ арената во Стокхолм ќе учествуваат 42 земји.
Продуцентот Свен Стојановиќ изјавил дека Тимберлејк ќе настапи на оваа музичка манифестација, бидејќи авторите на неговите песни се шведските композитори Макс Мартин и Шелбек.
