Непознат човек, кој на лицето носи маска од „Joker“, најави дека во Канада, секоја седмица ќе убива по еден муслиман.
За неидентификуваниот човек, кој на видео снимката се заканува со пиштол, трага и канадската полиција, според локалните медиуми.
Видеото кое беше објавено на Јутјуб, набрзо е избришано, а според пишувањата на медиумите, човекот зборувал на акцент како жителите на провинцијата Квебек.
– Почнувам да убивам Арапи и муслимани, по еден секоја седмица, изјавил во видеото.
После нападите во Париз, муслиманите станаа мета на чести напади во Канада, а пред неколку дена беше запалена и џамија во Онтарио.
