Директорот на Градска болница: Боки 13 нема сериозно нарушување на здравјето


Директорот на Градската општа болница „8 Септември“, Христијан Костов, вели дека Бојан Јовановски нема сериозни нарушувања на здравјето, откако првоосмничениот во „Рекет“ беше вратен назад во притвор во затворот во Шутка, пренесува „СДК.мк“.

Боки 13 мина четири часа во болницата „8 Септември“ откако му се слоши пред да даде исказ кај обвинителката Вилма Русковска.

„По направените анализи врз пациентот, во кои не се констатирани посериозни нарушувања на здравјето, тој е пуштен од болницата“, изјави за СДК директорот Костов.

Јовановски беше однесен со Брза помош од Обвинителството за организиран криминал и корупција а неговиот адвокат Сашо Дуковски веднаш потоа изјави дека тој не дал исказ затоа што повраќал.

Share Button

Tags:

MK News

Автор инфо

No comments yet.

Остави коментар

UA-33057274-1