Докторите во Ирак останале во чудо кога на ултразвук кај една трудница од околу четриесет години виделе дури 13 фетуси.
Жената во текот на бракот родила 7 деца, од кои две се близнаци, а последното дете го родила пред 5 години. Поради тоа што не можела да забремени во тие последни пет години, нејзиниот сопруг се оженил со друга жена. Тој раскажал дека истовремено е среќен и загрижен, пренесува Плусинфо.
– Многу сум среќен поради новата бременост на сопругата, а истотака сум загрижен како да го сочуваме овој блажен дар. Беше големо изненадување што мојата сопруга носи 13 деца и сега се трудам да обезбедам посебна грижа за неа, бидејќи по нејзинотот породување, може да бидам единствениот татко на светот кој има толку голем број на близнаци – изјавил нејзиниот сопруг.
Сепак оваа ризична бременост веќе оставила неколку последици.
– Првите тестови покажале дека четири деца се мртви, и дека срцата не им чукаат. Другите се во одлична состојба – изјавил докторот Ал Џабури, специјалист од рачката болница Такрит.
Тој додал дека здравствената состојба на мајката е во најдобар ред и дека ова е еден од најретките случаи во историјата.
– За жал очекуваме дека уште деца ќе умрат кога жената ќе биде во понапредната бременост и дека децата кои ќе бидат родени ќе бидат многу мали – додал докторот.
