Студениот бран од северо – запад, во земјава донесе ниски температури некарактеристични за пролетта, но и врнежи од дожд, кои според најавите на метеоролозите ќе достигнат до 30 литри на метар квадратен.
![57201322559_dozd 1[1] bitola](https://mkd-news.com/wp-content/uploads/2013/05/57201322559_dozd-11-bitola-300x217.jpg)
Дождот придружуван со ветер и грмотевици, како што велат синоптичарите, ќе врне до петок. Но не само тоа – од денеска па во следните неколку дена на планините ќе осамне и значителна снежна покривка.
Поголемо разведрување синоптичарите најавуваат од понеделник – за кога велат, конечно ќе настапат пролетни, повисоки температури.
Постуденото време во април, околу велигденските празници, според метеоролозите не е исклучок годинава – паметат слично време и изминативе години, но и случаи кога во Скопје провејувал снег токму на Велигден.
