Трансатлантскиот авион „Вирџин Атлантик“, кој полетал од лондонскиот аеродром „Гетвик“ и требало да патува до Лас Вегас, доживеа дефект на десното тркало за време на полетувањето и кружеше над Англија додека техничарите да смислат начин за безбедно слетување.
Авионот од типот „Боинг 747“ пренесува 400 патници. Веднаш по полетувањето го променил правецот и почнал да се враќа кон Лондон, откако пилотот забележал дека има дефект на десното тркало, со што во функсија останало само едно тркало, а на тој начин авионот не може да слета.
Сведоци изјавиле дека од непознати причини десното тркало откажало и сега авионот кружи се додека не го потроши целото гориво по што ќе биде приморан на принудно слетување кое секако е побезбедно доколку резервоарот на авионот е празен.
“Боингот 747” на авио-компанијата “Virgin Atlantic” сигурно слетал на лондонскиот аеродром Гетвик откако некое време кружел над југоисточна Англија, бидејќи при полетувањето му откажала десната опрема за слетување.
