Државата ќе бара екстрадиција на поранешниот премиер кој е во бегство, Никола Груевски, за организирање на упадот во Собранието на 27. април.
Министерката за правда, Рената Дескоска, на настан организиран за функционирањето на АКМИС системот, рече дека досието е комплетирано и ќе биде испратено до унгарските власти.
– „Целокупното досие од Обвинителството и Судот стасаа минатата недела. Деновиве ќе биде испратено до Будимпешта“, рече министерката за правда денеска.
Државата веќе половина година го бара Груевски од Унгарија каде што доби политички азил.
