Две ноќи по ред е опасно нивото на јаглероден моноксид на мерната станица за воздух во Лисиче каде што индикаторот покажуваше црвен аларм. Загадувањето со јаглероден моноксид почнува во попладневните часови, околу 17 часот, и максимумот го достигнува околу полноќ.
До утро отровниот гас е на нормално ниво. Лисиче е единствената мерна станица во Скопје која покажува опасни вредности на јаглероден моноксид
Истовремено, со опасните концентрации на јаглероден моноксид (CO) кој е единствен полутант кој може директно да предизвика смрт, во Лисиче екстремно се високи и вредностите на ситните честички ПМ10 кои достигнуваат и до 900 микрограми на кубик воздух.
