Експлозијата се случила пред главниот влез на заградата на американското дипломатско претсавништво.
Бомбаш-самоубиец активирал експлозив денеска при напад во кој загинаа две лица во американската Амбасада во Анкара, изјави гувернерот на Анкара Аладин Јуксел.
Тој прецизира дека во експлозијата загинале напаѓачот и едно лице од обезбедувањето. Повредена е една жена која е хоспитализирана, додаде тој.
Турскиот премиер Реџеп Таип Ердоган изјави дека експлозијата е самоубиствен бомбашки напад.
Американскиот амбасадор во Анкара Франсис Ричардоне изјави дека човек од обезбедувањето на Амбасадата е убиен во напaдот,а турски жител е ранет.
Според полициски извор на кој се повикуваат турски медиуми, експлозијата била предизвикана на влезот на зградата во пункт за проверки пред одделот за визи и не е причинета материјална штета во објектот.
Полицијата по прегледување на записи од безбедносни камери идентификувала две осомничени лица. Едниот од нив можно е да бил напаѓачот. Досега никој не ја презеде одговорноста за нападот.
