При снимањето на неговиот најнов филм во Требиње, славниот режисер Емил Костурица доживеал незгода при снимањето, кога во еден момент паднал од магаре при што ја повредил главата.
Кустурица веднаш бил префрлен во болница во Белград каде што му била направена снимка на главата. Лекарите утврдиле дека режисерот добил потрес на мозокот.
– Сум се извлекувал јас и од поголеми г**на, па ќе се извлечам и од ова, прокоментирал на кратко Кустурица.
Режисерот, по извршените лекарски прегледи повторно се вратил на снимањето на филмот во кој главната улога ја толкува Моника Белучи.
