Charcoallatte е уште еден делотворен еликсир, кој се користи во служба на добро здравје и дополнителна енергија.
Овој пијалак го прочистува телото од токсините, благодарение на моќните состојки кои се наоѓаат во црниот адитив. Помага кај проблеми со стомакот, а исто така одлично делува и во случај на претерување со алкохол. Оваа природна состојка има благотворно влијание и на тенот, па корисен е и за надворешна употреба, на пример, како црна маска за лице.
Во продолжение, ви го откриваме рецептот за подготовка на црното кафе со активен јаглен.
Потребни состојки:
1 капсула активен јаглен (достапен во аптеките)
1/3 шолја вода
1 чаша бадемово млеко
1 лажичка јаворов сируп или мед
малку ванила
малку цимет
Начин на подготовка:
Загрејте го млекото во тенџере. Помешајте го активниот јаглен во прав со водата, а потоа, сипете ја добиената црна течност во млекото. На крајот, додадете засладувач по желба, па малку ванила и цимет.
