Tелекомуникацискатa кула на Водно во која ќе бидат сместени предавателите на македонските оператори и антенскиот систем за контрола и мониторинг на радиофреквенциите ќе се гради во близина на врвот на Водно, на 500 метри источно од Милениумскиот крст. Овој објект ќе го гради градежната компанија „Гранит“, јавува Скопје инфо.
Заедно со основниот договор, финансиската конструкција на ова здание ќе изнесува околу 18,1 милиони евра. Гранит преку Македонската берза извести дека кулата ќе биде готова за 5 години а самата изградба ќе чини 17,6 милиони евра.
