Состојки: Непрскани јаболка Шеќер
Подготовка:
Добро измијте ги јаболката, отстранете ги дршките и заедно со семките сомелете ги во машина за мелење на месо. Доколку јаболката не се доволно сочни, на секои 10 килограми можете да додадете по ¼ литар зовриена вода.
На оваа количина додадете и 100 грама шеќер. Добро измешајте, покријте го садот и оставете го на сонце или на топло место.
Повремено измешајте. Ферментацијата трае од 25-30 дена, а на сонце нешто помалку. По завршување на процесот на ферментација, смесата внимателно процедете ја низ газа и добиениот оцет ставете го во шишиња.
Доколку добро сте ја извеле постапката, оцетот треба да е со светло жолта боја. Доколку сакате воопшто да нема талог, најпрво исцедете со цедалка а потоа со повеќеслојна газа.
Рокот на траење на јаболковиот оцет е неограничен. Доколку во текот на чувањето се појави талог, слободно прецедете го.
