Неколку хакери од компјутерскиот клуб „Хаос“ од Берлин тврдат дека го хакирале скенерот за отпечатоци од прсти на новиот Ајфон 5s само два дена откако излезе во продажба.
Хакерите најпрвин направиле фотографија во висока резолуција од отпечатоците на прстите оставени на чаша.
Потоа ги скенирале и ги испринтале на ласерски печатач на фолија и на крај ги прекриле со лепак.
Ако нивните наводи се потврдат, тоа ќе биде многу непријатно за Apple кој тврди дека овој телефон ќе ги заштити корисниците од крадење на телефонот.
