„Господине Хан, казино правило број 1, домаќинот секогаш победува“. Транспарент со ваква порака насочен кон еврокомесарот за проширување и соседска политика Јоханес Хан, можеше да се забележи денеска на влезот од Скопје при неговото пристигнување.
Ваквата порака до еврокомесарот доаѓа откако неодамна повеќе медиуми објавија дека Хан бил дел од надзорниот одбор во моќната компанија Новоматик од 1997 до 2003 година, компанија која е во казино бизнисот, но и во технолошката гранка на производство на софтвер за казина.
Оваа компанија во 2014 го купува македонското казино „Фламинго“. Некои од медиумите одеа уште подалеку, тврдејќи дека Хан во сенка всушност бил сопственик на Новоматик, други пак говореа за поседување акции на Хан во ова казино, како и поврзаност со казината и кладилници Сенатор и Астра.
