Црвено-жолтата боја и денеска беше главен декор на улиците на Јесенице. Поразот од Црна Гора е премал за да ја урне „фалангата“
Кај ќе бевме ако само еден пораз не турнеше на земја и ни го убиеше моралот. Македонската „фаланга“ ја проголта горката неправда од синоќа и се крена напред кон новите предизвици. Поразот од Црна Гора го протолкувавме како повторување на историјата, како услов за победи во следните натпревари.
Денеска, пред мечот со Литванија (21.00), низ Јесенице се виеше оро. Македонците и овде се едни од најзабавните и највеселите навивачи, а сега, за разлика од пред две години многу пософистицирани се навивачките маски и реквизити.
