Крволочен напад на глутница кучиња врз осмогодишно девојче ги шокираше вчера жителите на сараевската населба Бјелава. Глутница од 20 кучиња го нападнала девојчето кое било во друштво на една година постарото братче. Девојчето излегло на улица да игра со останатите деца, но околу 18:30 часот кучињата ја собориле од велосипедот и почнале да ја гризат.
Страшната глетка ги шокирала братчето и нејзината мајка С.А., а соседите по врисоците на девојчето се обиделе да ги избркаат агресивните животни.
-Синот беше од другата страна и го гледаше тоа. Да не беа соседите кои ја спасија мојата ќерка, можеше трагично да заврши, вели мајката за босанските медиуми.
