Конторверзната балканска јасновитка Клеопатра пред 28 години во сараевски весник дала интервју во кое признала дека кон средината на 1980-те со операција си го сменила полот, пренесува „Ало.рс“.
Јасновитката тогаш интервјуто го дала на новинарот Небојша Тошиќ од сараевскиот весник „Ас“,под името Душко Илиќ.
Таа ја раскажала својата несекојдневна приказна како ја поминала таа комплицирана операција и како го напуштила идентитетот на мажот под името Душан.
– тајно сакав да извршам операција, конечно да станам она што сум сега. Но мојата желба не беше доволна. Пишувањето за мене во весниците „Ас“, „Автосвет“, „Старт“, па моето појавување на телевизија, сето тоа ми донесе и поголема популарност. Колегите пејачи почнаа да ми се јавуваат.
Ми нудеа помош, ми предлагаа да одржат концерти на кои би пееле за мене. Парите собрани на тој начин беа наменети за операцијата – раскажала Клеопатра.
Нејзините колеги пејачи дале пари за нејзината операција. Најмногу ѝ помогнале, Шабан Шаулиќ, Хасан Дудиќ, Мише Мијатовиќ, Кемиш и други.
Се сеќавам на силните светла над мене и мирољубивиот глас на докторот од операционата сала. Тонев во празнина. По операцијата која траеше четири часа се разбудив во свој апартман. Првично не знаев каде сум и што се случува со мене. Со рацете си го допрев стомакот, а под прстите почувствував завои. Повторно ли ми го оперираа слепото црево, со насмевка раскажува кралицата меѓу пророците.
Докторот и ја подал раката ја помилувал по косата и и рекол „Сега сте жена“.
