Малото село Паран е сместено на околу четири часа возење од перуанската престолнина Лима. Многумина од околу 360 жители боледуваат од наследно слепило.
Селаните никогаш не добиле медицинска потврда за причината на слепилото од коешто боледуваат околу 75 жители, најмногу мажи.
Се верува дека станува збор за заболување што се пренеусва генетски од генерација на генерација, коешто го предизвикува ретинитис пигментоса (retinitis pigmentosa), феномен попознат како „поглед низ тунел“.
Се уште не е пронајден лек за слепилото, кое најмногу се манифестира кај момчињата на возраст од седум години, кои во текот на денот гледаат послабо додека навечер не гледаат никако. Паран е тивко место, оддалечено од градските метежи. Селаните најголемиот дел работат на големи планатажи со овоштарници од каде ги берат најслатките перуански праски.
