Непосредно пред настапот во Загреб Чола доживеал голема непријатност, кога на аеродромот цариниците буквално го истресле од гаќи заради детекторот за метал, кој постојано пиштел кога пејачот ќе поминел низ него.
Чола неколкупати поминувал низ детекторот затоа што не можеле да откријат зошто покажува дека кај себе има некој метален предмет. И додека тој се убедувал дека нема ништо метално кај себе останатите патници веќе влегле во авионот.
Дури после половина час, кога пејачот, што се вели, останал полугол, откриле дека проблем направиле копчињата на панталоните на пејачот. Изворот кој се нашол на лице место открил дека заради проблемот со Чола авионот доцнел при полетувањето кон Загреб. Но тоа не го изнервирало пејачот, кој за сето време бил насмеан и љубезен и не глумел ѕвезда, туку се однесувал како и сиот нормален свет.
ZaSe.mk
