Фотографијата на која поранешниот министер за надворешни работи Антонио Милошоски го вее знамето на Вергина на Олимп, стигна и до Европскиот параламент.
Имено, Грчки пратеник ја испратил до своите колеги во Европскиот парламент со писмо во кое ја осудува ваквата постапка.
Милошоски изјавил дека нему му се јавиле пратеници од Брисел и му кажале за потегот на грчкиот пратеник. Сепак, тој не знае кој грчки пратеник ја испратил фотографијата, но вели дека постапката на пратеникот предизвикала потсмев кај европските колеги.
Милошоски викендов со група планинари се качи на Олимп и го развиори знамето на Вергина.
По ова следуваше реакција од портпаролот на грчкото МНР, кој иронично му се заблагодарил на Милошоски што ја посетил Грција и што се сликал со грчките симболи.
