Уште еден случај со заталкан куршум какви што ги имаше повеќе летово – некој некаде пукал, а куршумот завршил во куќа на недолжно семејство.
Залутан куршум вчера завршил во дневната соба на домот на 45-годишниот Ф.П. од Скопје.
Во моментот на настанот Ф.П бил во дневната соба со неговата сопруга и двете малолетни деца! За среќа никој не е повреден.
Настанот, како што информира денеска полицијата, се случил околу 20:45 часот на улицата „Петар Ѓорѓиев“.
Извршен е увид и се преземаат мерки за откривање на сторителот.
