Вчера во 18.24 часот во полициската станица во Скопје било пријавено дека на крстосницата од бул. „Св.Климент Охридски“ и ул. „Димитрија Чуповски“ се случила сообраќајна незгода помеѓу ПМВ „Шкода Јети“, сопственост на МВР на Р.М., управувано од полициски службеник од ПС ОН Чаир и мотоцикл „Јамаха“ со скопски регистарски ознаки, управуван од Д.Ш. (35) од Скопје, пишува Курир.мк
фото – курир.мк
Во незгодата мотоциклистот се здобил со тешки телесни повреди и бил пренесен во Ургентен центар „Мајка Тереза“, каде му бил извршен оперативен зафат и се наоѓа во критична состојба. Полицискиот службеник се здобил со телесни повреди и истиот бил задржан во Ургентниот центар.
По наредба на Јавен обвинител увид на местото на настанот извршила екипа на СВР Скопје.
