Со неколкудневно задоцнување германската јавност е информирана за шокантни инциденти за време на новогодишната ноќ во кои стотина жени биле сексуално нападнати и ограбени во најмалку три германски града.
Градоначалникот на Келн ја повикал полицијата на кризни разговори откако 80 жени пријавиле дкеа биле нападнати на новогодишната ноќ. Во нападите според искази на нападнатите учествувале околу 1000 пијани и агресивни мажи а пријавено е и едно силување.
Според шефот на полицијата во Келн Волфганг Алберс се работи за целосно нова диманзија на криминал во кој според пријавите учествувале луѓе со Арапско или Северно Африканско потекло.
Неколку жени се нападнати и во градот Хамбург но состојбата била најдраматична во Келн каде што во близина на градската катедрала се случиле вербални и сексуални напади како и грабежи. Меѓу нападнатите е и една припадничка на полицијата волонтерка која што била сексуално малтретирана.
Според полицијата нападите биле добро организирани а мажите вкупно околу 1000 на број биле поделени во помали групи и имале конкретна цел да малтретираат жени. Граѓаните на Хамбург се уплашени дека во Февруари кога е сезоната на карневали може да се повторат насилствата од новогодишната ноќ.
Германската полиција смета дека голем дел од нападнатите воопшто не пријавиле дека се нападнати а стравот се повеќе расте откако полицијата објави дека поради новогодишниот метеж на главната автобуска станица во Келн биле распоредени дополнителен број полицајци кои што не можеле да ги забележат масовните напади.
Според еден од очевидците на нападите 15 годишно девојче доживеало сексуален напад откако десетина напаѓачите за заобиколиле и започнале да ја допираат по делови од телото а во близина немало никој да му помогне.
Медиумите јавуваат и за инциденти во кои напаѓачите се ообидувале да бакнат насилно жени, краделе женски ташни или насилно се обидувале да внесат жени во такси возила.
Министерот за правда Хајко Маас побара германската јавност да не ги поврзува нападите со бегалците и барателите на азил пред да се има докази дека некој од нив учествувал во нападите што ја шокираа Германија. Напади врз жени биле забележани и во Штудгарт но досега нема докзаи дека во нив се инволвирани азиланти или бегалци.
Според германската Н – телвизија во Келн би моележе да бидат расместени полициски сили од други градови како и да бидат поставени камери за набљудувае со спццеијалнни телескопски леќи за да се утврди идентитетот на напаѓачите.
