Трудница од Тексас во деветиот месец од бременоста, била нападната и избодена откако провалник, идентификуван како Кори Мос (19) ја нападнал во нејзиниот стан во Ел Пасо.
Целиот монструозен чин се одвивал пред очите на нејзиниот сопруг, војник кој е на мисија во странство. Таа штом влегла дома го побарала и почнале разговор преку Фејстајм, при што камерата била вклучена.
Во еден момент напаѓачот и пришол од зад грб и ја нападнал. Почнал да ја боде а Рејчел Пул (31), го препознала напаѓачот кој на нејзиниот сопруг му должел пари, па кога ја нападнал таа гласно му го кажала името.
Рејчел е пренесена во болница со повеќекратни убодни рани и фрактури на лицето и телото. Санирани и се повредите, а докторите успеале да го спасат и бебето.
Сепак Рејчел ќе остане без едно око.
Сопругот веднаш се јавил и во базата каде бил стациониран колегата должник и напаѓач и тој веднаш кога пристигнал бил уапсен. Мос,го признал нападот и е обвинет за обид за убиство. Сопругот на Рејчел пак е на пат за дома – и по овие случувања најверојатно нема повторно брзо да патува на мисии и да ја остави сопругата сама.
