Улицата ечеше од плачот на девојчето. Застанав да видам што се случува. Една помлада жена тепаше друга, повозрасна. Ми кажаа дека мајката крвнички го тепала детето и го шутирала како фудбалска топка.
Вака сведок раскажува за „ТВ НОВА“ на настанот кој ја потресе јавноста која беше згрозена од веста дека 30-годишна скопјанка го претепала своето 19-месечно дете удирајќи го по телото и главата.
Притвор од 30 дена добила 30-годишна скопјанка А.Х. за сторено кривично дело „запуштање и малтретирање малолетно дете“. Мајката му нанела повреди на своето 19-месечно дете удирајќи го по телото и главата од што детето добило потрес на мозокот.
