Бомбардер Су-34 на руските воздухопловни сили го уништил командното место на терористичката организација Џабат ал-Нусра во сириската провинција Хомс, соопшти денес портпаролот на руското Министерство за одбрана Игор Конашенков.
Нападот бил изведен на командната позиција на екстремистите, припадници на групата Џабат ал-Нусра во областа Тел-Бисао, во провинцијата Хомс, рекол Конашенков, пренесува ТАСС.
Тој навел дека терористите воспоставиле командно и контролно место во двокатната зграда, во чија близина се наоѓале четири џипови со автоматски пушки од голем калибар.
