Мартинез наводно им раскажал на истражувачите дека тие убиства ги извршил како платен убиец на еден нарко картел, изјавил Ерек Џет, окружен обвинител во Лоренс, Алабама. Џет изјавил дека му верува на Мартинез поради деталите кои изнел.
Мартинез бил уапсен минатата година набрзо откако од Мексико преминал во САД. Сега се наоѓа во Алабама, каде што го чека почетокот на судењето за едно од убиствата.
Обвинителот додал дека во моментот кога се дознало за апсењето на Мартинез, неколку истражни судии од различни делови на САД дошле да го сослушаат.
Според зборовите на помошникот на окружниот обвинител Тулер, Ентони Фалка, Мартинез на својата мета имал жртви на возраст од 22 до 56 години, на повеќе места во периодот од 1980. до 2011. година.
Доколку биде осуден за делата извршени во Калифорнија, Мартинез би можел да биде осуден на смртна казна.
