На целиот брег на Охридското езеро, од болницата “Свети Еразмо” до црпката на колекторскиот систем на стариот пат за Струга, беснее голем пожар, јавува Вест.
Пожарот избувна околу 10 часот и ги зафати трските, но и делови во близина на бензинската пумпа поради што вработените под итно ги тргаа запаливите буриња полни со запалива течност.
Во гаснењето на пожарот се вклучија најпрво две возила на противпожарната бригада од Охрид, но поради силината на огнената стихија и опасноста да ја зафати и бензинска пумпа, вклучи уште едно возило. Силниот ветер постајано го засилува пожарот што им ја отежнува работата на пожарникарите.
Пожарникарите полека го локализираат пожарот, но на брегот има уште многу жаришта од кои избива пламен. најголемиот дел од нив се кај бензинската пумпа. За сега не се знаат причините за појавата на пожарот, но се претпоставува дека е предизвикан од немарност.
Фото – Вест
