Петгодишно девојче од Тетово се здобило со фрактура на потколеницата и други повреди, откако денеска врз неа налетал голф со тетовски регистарски таблички, што го управувал Б.К.(45) од тетовска Мала Речица.
– Инцидентот се случил на улицата „Илинденска“ во близина на Шарената Џамија во Тетово, околу 14 часот и 10 минути, информира портпаролот на СВР Тетово Марјан Јосифовски.
Тешко повреденото девојче веднаш било префрлено во Тетовската клиничка болница од каде по укажаната лекарска помош било префрлено на клиниките во Скопје.
По овластување на јавен обвинител, екипа на СВР Тетово извршила увид и работи на расчистување на причините за оваа сообраќајка.
