Паркингот на трговскиот центар „Скопје сити мол“ ќе можат бесплатно да го користат станарите кои живеат на улиците „Љубљанска 1“, „Волгоградска 1“ и „Волгоградска 2“. Граѓаните од непосредната близина на трговскиот центар бесплатното паркирање го добија со одлука донесена на последната седница на Советот на Општина Карпош.
Жителите од околните згради имаат реален проблем со слободен паркинг-простор, бидејќи оној околу нивните згради постојано е зафатен со автомобили на гостите на молот. Проблемот особено е изразен во време на викендите, кога „Скопје сити мол“ е преполн со посетители од сите краеви на државата, но и од странство.
