Грчките сеизмолози предупредуваат дека постои акумулирана енергија која може да се ослободи, што би резултирало со силни земјотреси.
Сеизмолозите зборуваат за „акумулација на енергија“ која може да резултира со страшни земјотреси. Ги повикуваат властите веднаш да преземат мерки за заштита и да направат инспекција за издржливоста на градбите.
Предупредувањата доаѓаат по смртоносниот земјотрес што ја погоди централна Италија.
– Фактот што долго време во Грција немало силен земјотрес, со исклучок на Кефалонија, значи дека постои акумулација на енергија, некои пукнатини веќе се пополнуваат и порано или подоцна треба да се ослободат – рекол за „Риал њуз“ директорот на Институтот за геодинамика во опсерваторијата во Атина, Акис Целентис.
