Авионот на Алиталиа кој ја превезуваше италијанската фудбалска репрезентација во Женева, денеска претрпе удар на гром при слетувањето на аеродромот во швајцарскиот град.
Според информациите од Апенинскиот Полуостров, громот удрил кога пилотот се обидувал да го приземји авионот, но за среќа, немало последици. Ниеден од фудбалерите не е повреден при инцидентот иако сите членови на експедицијата излегле видно потресени од авионот.
