Изјавите на Зев дека сме националисти се неосновани. Платите и пензиите се покачени за сите, а субвенциите и мерките за подобар живот важат за секого, истакна меѓу другото лидерот на ВМРО-ДПМНЕ, Никола Груевски и носител на листа во ИЕ 4, во своето обраќање од митингот во Валандово.
-Не ги делевме луѓето дали се Македонци, Албанци, Турци, Роми, Власи… затоа што за нас сите се исти. Изјавите на Заев дека сме националисти се без основа, затоа што покажавме дека на сите ги покачувавме пензиите, на сите ги покачувавме платите, на сите им дававме субвенции, никого не делевме и никого не прашувавме што е по етничка заедница. На сите помагавме, кога имаше поплави одевме и во штипско и во Шипковица и во Новаци и во Речица. Приказната за националисти не држи вода. Оваа коалиција се бори за сите граѓани. Ако некогаш предупредиш за тоа што може да и се случи на државата, тоа не значи дека си националист, рече Груевски.
