Анонимуси и хакерската заедница ја нападнаа Северна Кореја. Откако хакерската група се инфилтрирала во сајтот на севернокорејската државна агенција, објавиле навредлива фотографија од Ким Јонг Ун на која тој има свинска муцка и тетоважа од Мики Маус на неговите гради.
Под сликата е поставен натпис: ” Се бара – Се заканува на светскиот мир со нуклеарен напад. Троши пари додека неговиот народ умира од глад”. На друг пост напишале: “Ние сме Анонимуси. На граѓаните на Северна Кореја им предлагаме да го урнат репресивниот режим. Ви го чуваме грбот и Ве држиме за раце додека одите на патот кон слободата, демократијата и мирот. Немојте да се плашите од нас, ние сме добри момчиња од интернет”.
Инаку хакираниот сајт е познат по тоа што на него се постира пропаганден материјал на владеачката структура. Како на пример фотографија од белата куќа гледана преку нишан на снајпер.
