Двајца претставници на компанијата „Coca-Cola“ и поранешниот шеф на администрацијата на претседател на Никарагва, Антонио Лакајо, најверојатно загинале во вторникот при падот на мал хеликоптер во оваа централноамериканска земја, пренесува тамошниот портал 100%Noticias.
Според полицијата, со хеликоптерот од типот „Bell 206“ имало четири лица, вклучувајќи го и пилотот. Засега, покрај остатоци од хеликоптерот, пронајдено е и телот на еден Американец, менаџерот за набавки на „Coca-Cola“, Џејмс Скот Хорисбергер.
Хеликоптерот во сопственост на компанијата Helicópteros de Nicaragua S.A (HELINICA), кој летал кон Сан Карлос, се урнал во реката Сан Хуан, а се води потрага по телата на уште еден член на управата на американската компанија, на поранешниот никарагвански политичар и на пилотот кои официјално се водат како исчезнати.
Антонио Лакајо беше шеф на администрацијата на шефот на државата Виолета Бариос де Чаморо во периодот од 1990 до 1997 година.
