Шведската компанија за мебел и предмети за домаќинство „Икеа“ отвори голем трговски центар во Загреб, а планира да отвори и осум продавници во повеќе градиови од регионот.
Ниту една од овие осум прдавници нема да се отвори во Македонија.
Засега, според изјавата на претставникот на компанијата за Словенија и Хрватска, Игор Стефанац, за словенечкиот весник „Финанце“ сигурни локации се оние во Љубљана и Белград, се преговара за локации и во Риека, Сплит, Нови Сад и Ниш.
Центарот во Љубљана ќе се гради веќе следната година, на 84 илјади квадратни метри земјиште кое има намера да го купи од словенечката фирма „Триглав“.
– Преговорите уште траат, додека не го склучиме договорот нема да објавуваме никакви информации- вели Штефанац.
Тој потврдува и дека се преговара и за земјиште во Сплит, бидејќи првично понудената локација од Градот не ги задоволувала потребите на Швеѓаните.
