Инспекторите на УЈП и полициски сили вечерва со камења биле избркани од Студеничани. Нивната контрола завршила со затворање на два угостителски објекта во кои не се почитувале законските обврски за забрана за пушењето и за поседување на фискални каси.
Инспекторите на УЈП придружени со полициски сили вечерва по вторпат во последниве неколку дена влегоа во скопското село Студеничани и затворија два угостителски објекти. По затворањето на дуќаните поради непочитување на законските обврски за непушењето и поседувањето на фискални каси, реакцијата на селаните била остра. Тие фрлале со камења по полициските и по автомобилите на УЈП. Веднаш потоа дошле дополнителни полициски сили, по што инспекторите и полицијата си заминале, јави порталот Журнал.
