Поранешниот претседател на Република Македонија, Ѓорѓе Иванов на Фејсбук упати честитка од македонскиот народ по повод големиот државен празник Илинден.
„Републиката е на народот, бидејќи од него извира сувереноста и во него се слева сувереноста.
Република Македонија не е приватна сопственост та некој да тргува со неа, со нејзините атрибути и вредности.
Република Македонија не е личен имот та некој да ја распродава.
Република Македонија не е ничија земја, та секој да ја присвојува.
Република Македонија му припаѓа на народот кој ја создал.
Слободата не се освојува еднаш засекогаш, туку секој ден и постојано.
Честит Илинден.
Вечна Македонија“, напиша Иванов.
