Никола Груевски и неговите наследници по завршување на премиерскиот мандат, 24 часа ќе ги обезбедуваат 6 телохранители од МВР.
Тоа според измените во законот за Влада значи дека ако мандатот на Груевски заврши утре, тогаш во следните 6 години колку што бил на функција има право на обезбедување во три смени и возач. Законското право нема да важи за претходниците на Груевски.
Собранието го донесе законот по скратена постапка на предлог на пратеникот Александар Николовски од ВМРО ДПМНЕ. Обезбедувањето загарантирано со закон Николовски го објаснува со стравот од одмазда на криминалците уапсени во времето на Премиерот.
Законот за Влада е еден од 14 закони што денеска Собранието ги донесе по скратена постапка. Премиерот лично присуствуваше на собраниската седница.
Единствено реакции на несогласување имаше од пратениците од редовите на ДПА. Од ВМРО ДПМНЕ одговорија дека деловникот дозволува необемни закони да се носат по скратена постапка.
Дневник
