Кумановската полиција ги уапсила браќата Б.С. и С.Б. двајцата од селото Герман, општина Ранковце, кои веќе се осомничени за противправно лишување од слобода и за силување. Полицијата тврди дека од 9 до 21 овој месец, противправно држеле 25-годишна жителка на селото Нерав во нивната семејна куќа. 
Притоа и ја ограничиле слободата на движење, со закани вршеле полови дејствија, а од неа украле 500 евра, мобилен телефон, златно ланче, па и забраниле да комуницира со нејзините малолетни деца и невенчаниот сопруг. Судија на претходна постапка денеска на двајцата браќа им одредил притвор во траење од 30 дена.
