Затворени за сообраќај половина патишта во Словенија, приморскиот и централниот дел прогласија „црвена“ и „жолта“ тревога.
Реката Драва се излеала од коритото, а спасителите веќе ги евакуираат жителите во населеното место Ловерчан. Градот Велење е отсечен од светот поради излевање на реката Савиња која поплави 400 куќи.
Насипите се градени да издржат 2.800 кубни метри вода во секунда и имаат безбедносен систем, но доколку подолго време се под вода, истите ја губат стабилноста и отпорноста.
Бранот поплави ја зафати и Хрватска, каде се врши евакуација на најзагрозеното население. Околу 04.00 часот изутрина, се очекува најголем проток на вода.
