Вторник 15ти март е крајниот рок до кој Специјалната јавна обвинителка ќе треба да даде 6 месечен отчет за своето работење. Овој документ со нетрпение го очекуваат во Советот на јавни обвинители каде со месеци Јанева не дава одговор- колку прислушувани разговори примила од лидерот на СДСМ Зоран Заев.
Советот на јавни обвинители уште во јануари побара одговори од Катица Јанева за содржината на кутиите кои ги прими на 30ти декември од првиот човек на СДСМ.Советот на јавни обвинители бара прецизна бројка за да и во иднина не продолжат злоупотребите кои досега беа правени со материјалите од Верушевски.
На последната прес-конференција специјалното обвинителство тврдеше дека записник не е составен поради обемноста на материјалите но дека статистичкиот преглед на примените разговори ќе биде дел од нивниот 6 месечен извештај.
