Изминатите години е забележан сè поголем број медузи во морињата и океаните ширум светот, феномен, кој научниците го препишуваат на прекумерниот риболов и климатските промени
Од африканското крајбрежје преку Средоземното, Балтичкото и Јадранското море, па се’ до американските и азиските заливи, јатата медузи се се` поголеми и поголеми.
Тие денес се присутни во сите океани, без оглед на температурата на водата.
На истражувачите им е тешко да го предвидат развојот на оваа глобална инвазија, бидејќи не располагаат со податоци за развој на ситуацијата во минатото. Едно меѓутоа е извесно: бројот на нивните жртви постојано расте и тоа не само меѓу капачите.
Најпогодени се рибарите, особено оние кои ловат околу Јапонија. Медузите, кои се размножуваат во тие води се исклучително големи и тешки. Мрежите, во кои влегуваат тие е невозможно да се извлечат на површината.
Тие, исто така, ја прават рибата несоодветна за човечка употреба, бидејќи контаминираат со својот отров.
Се случува тие да навлезат и во водата за ладење на електричните централи што се изградени долж бреговите, што доведува до повремено исклучување на струјата.
Причината за нивната пролиферација сеѝ уште со сигурност не е утврдена. Голем број експерти и натаму се обидуваат да сфатат што довело до нивно масовно размножување. Една од хипотезите е дека медузите се намножиле како последица на прекумерниот рибилов.
Медузите и рибите најчесто се хранат со планктони. Со постепеното истребување на рибите, особено на сардината и инчунот, се’ повеќе храна останува за медузите.
Исчезнувањето на големите предатори е уште една причина за зголемувањето на бројот на медузите. Имено ајкулите, туните и желките, се сметаат за главен регулатор на популацијата на медузи, а нив во морињата ги има се’ помалку.
Медузите се појавиле пред околу 650 милиони години, а денес има неколку илјади видови.
