Војвотката од Кембриџ Кејт Мидлтон (32) и принцот Вилијам (32) очекуваат близнаци кои ќе ги носат имињата на починатата принцеза Дајана и кралицата Елизабета, пренесуваат британските медиуми.
Откако кралската двојка објави дека очекува второ дете, медиумите не престануваат да шпекулираат кој пол ќе биде, но и како ќе се вика.
Наводно добро информирани извори потврдиле дека се сомневаат дека Кејт е бремена со близнаци поради тоа што има специфични утрински мачнини.
Ако се случи кралската двојка да добие близнаци, едната ќерка ќе го добие името по принцезатра Дајана, додека другата ќе го носи името на кралицата Елизабета.
Се претпоставува дека младата кралска двојка се одлучила на овој потег за да ја задоволат кралицата која не е воодушевена од идејата нејзината правнука да го носи името на починатата принцеза Дајана.
