,, Тој што ја напишал белешката за наводно негово фаќање пред бегство ќе биде тужен“, напиша Зорица Чавкова, ќерката на поранешниот министер за внатрешни работи Митко Чавков кој попладнево беше приведен и однесен во затворот во Шутка.
Од Основното јавно обвинителство соопштија дека Чавков е приведен поради можно бегство.
-По добиени сознанија и поради страв дека обвинетиот ќе се даде во бегство и ќе се крие со цел да ја избегне кривичната одговорност, обвинителството побара од Основниот суд Скопје 1 – Скопје да му биде определена мерка – Притвор. Кривичниот совет го прифати предлогот на обвинителството и на обвинетиот со Решение му определи мерка – Притвор во траење од 30 дена.
Обвинетиот е дел од предметот што се води за настаните во Собранието од 27 април 2017 година, за кој главната расправа е завршена и е закажано рочиште за објавување на пресудата – пишува во соопштението.
