Од понеделник Кубанците ќе можат да патуваат во странство, соопшти висок претставник на имиграциските власти.
На 14 јануари стапуваат во сила промените во законот за патувања, одобрени од претседателот Раул Кастро.
Сите Кубанци на возраст над 18 години ќе можат да патуваат надвор од земјата. Неполнолетните лица ќе го имаат истото право со нотарска заверка од нивните родители или старатели.
Се очекува промените во законот да бидат од корист за неколкуте милиони Кубанци кои живеат во странство – околу 80 проценти од нив во САД, како и за спортистите, музичарите.
Миграциската реформа – првата преземена социјална мерка од комунистичкиот режим која ги отвора вратите за Кубанците кон светот, беше објавена од Раул Кастро на 16 октомври.
Кубанците не можеа слободно да патуваат од доаѓањето на Фидел Кастро на власт.
