Во последно време се поголем е бројот на луѓе кои ја напуштаат државата и заминуваат во странство по подобра работа и живот. Меѓутоа барањето на работа не е едноставно. И покрај тоа што домашните сервиси за барање работа помагаат кога станува збор за работа во некоја од европските земји, сепак ако сакате да работите во Германија, тешко да ќе најдете добро платена работа ако не сте занаетчија или медицински работник. Поради тоа еве неколку корисни совети ако веќе сте се одлучиле да барате работа во странство.
Прво што треба да знаете е каде сакате да работите. На интернет постојат многу сајтови кои даваат информации за животниот стандард на земјите за кои сте заинтересирани. Барате информации за големината на платата во индустријатата во која планирате да работите како и за трошоците за живот за да може да измерите дали платата ви е доволна за секојдневните потреби па дури и за да заштедите. Освен на сајтовите каде што може да се најде хонорарна работа, на интернет може да најдете и веб-сајт кој огласува слободни работни места низ целиот свет.
Ние ќе ви помогнеме со неколку сајтови кои може да ви бидат од корист. „Jobs global“ е компанија која се претставува како посредник за вработување на луѓе низ светот, но во моментов најмногу слободни место има во азиските земји. Исто така во групата „Looking for a job/offering job“ на страната Couchsurfing можете да најдете отворени позиции за работа во сите делови на светот. Има многу компании кои се занимаваат со ангажирање на работна сила, но ние ќе споменеме само неколку.
Hays – сервис за вработување на работна сила во светот Get hired – сајт за регрутирање на работна сила низ светот која овозможува спроведување на интервју со потенцијален работодавец преку видео кол Pharmadrome – нуди посредување меѓу фармацевтски и здравствените институции и компании и потенцијалната работна сила чии квалификации ги исполнуваат барањата Amiqus – компанија која се занимава со посредување за работа во гејминг индустријата Find a forestry job – компанија која помага во вработување во шумарството
Важно е да се напомене дека ако сте во потрага за работа во странство ви треба трпение. Не се откажувајте уште на почетокот.
