ЛДП: Оставка од Димитриев и формирање Влада на национално единство


Неотповиклива оставка од премиерот Емил Димитриев, задолжен за спроведување на изборите и итно формирање на Влада на национално единство. Ова е единствениот пат за излез на државата од актуелната политичка, економска и морала криза, што ВМРО-ДПМНЕ ја наметна по своја волја, предлага ЛДП.LDP-logo(4)

„Техничкиот премиер Димитриев во изминатиот период со ништо не покажа дека се залага и работи на сите предуслови за овозможување на фер, демократски и кредибилни избори, како и споведување на препораките од извештајот на Прибе. Напротив, со сите свои постапки помага во изигрување на Договорот од Пржино, остава простор за уште поголеми сомнежи за непрочистениот избирачки список, а се повеќе не’ оддалечува и од регулацијата на медиумите и избалансираното медиумско известување. Секојдневно сме сведоци на обидите на власта да се загуши револтот и правото на протест на граѓаните со контрапротести, закани и протисоци, особено врз вработените во админстрацијата“, вели ЛДП.

Во овие тешки моменти за државата, вели партијата, кога тензиите и поделбите меѓу граѓаните од час во час се повеќе се зголемуваат, убедени сме дека формирањето на Влада на национално единство ќе биде најдобриот чекор за излез од кризата.

„Бараме во новите преговори да земат учество претставници на помалите политички партии како и граѓанскиот сектор. Претседателот Иванов да ја повлече аболицијата за криминалците од власта и да си замине од функцијата, а Специјалното јавно обвинителство да ги процесуира сите истраги кои произлегуваат од прислушуваните разговори.
Само така Република Македонија ќе се врати на патот на демократијата, владеењето на правото и евроинтеграциите“, се вели во соопштението.

Share Button
MK News

Автор инфо

No comments yet.

Остави коментар

UA-33057274-1